摘要:平湖塘也叫嘉兴塘，原本上呒没十八里桥，只有一只摆渡船，塘南一个标致的姑娘嫁给塘北一个公子，结婚已有两个多月，一日新娘娘想娘，公子就送新娘娘到摆渡口，讲定下昼三四点钟公子来接。新娘娘回到娘家，爷娘蛮开心，一定要姑娘过夜。姑娘一定勿肯过夜，等
|
平湖塘也叫嘉兴塘，原本上呒没十八里桥，只有一只摆渡船，塘南一个标致的姑娘嫁给塘北一个公子，结婚已有两个多月，一日新娘娘想娘，公子就送新娘娘到摆渡口，讲定下昼三四点钟公子来接。新娘娘回到娘家，爷娘蛮开心，一定要姑娘过夜。姑娘一定勿肯过夜，等到姑娘走到摆渡口时，天已经暗了，摆渡船老早收渡了。格辰光，隐隐看见有只船啦摇过来，姑娘就喊，帮个忙，帮个忙，摆摆渡。姑娘喊声惊动了船里正勒拉吃酒的相公，相公就叫摇船老大去靠岸。当姑娘踏进船舱，吃酒相公一看是个介标致的仙女，就叫老大自顾自摇。 再说格当塘北公子，等了三日还勿见娘子，回来就到丈人家。丈人、丈母一听姑娘呒没回到男家，心急讲黑话，咬定女婿卖脱自己姑娘反而来栽脏，勿是这样，为啥，当时勿是夫妻双双来，而一定要姑娘当日回呢。女婿讲丈人一直嫌我穷，一定有坏花样，拆散吾夫妻，双方勿是想办法找却大吵相骂，告到嘉兴府里，女婿脚被敲断还判了十八年官司。 十八年官司吃尽，人也立勿起，登上一只讨饭的敲木梢船，一日讨到南浔，碰到一个好心老伯伯叫伊今夜停勒御廊河下格家大人家后踏跎，明朝伊拉喜日。 第二日，天刚亮，格家夫人因为今朝儿子办喜事困勿着，老早醒，推开后窗一看踏跎头停了一只船，以为远路客人早已来哩，勿去开门勿大礼貌，也勿去叫醒丫头，就自家去开门。走到船边，就听得船里喊：“太太，讨点吃吃。”格太太吃了一惊，同乡人来讨饭，十八年来还是头一朝，好在底下头人还未起来。就走近一步想攀谈，一看讨饭格张面孔熟来海外，太太一听讨饭人的经历，眼泪像断线的珍珠，头上插勒格只碧玉叫讨饭人看看。讨饭人做梦呀想勿着，眼前就是自格的娘子。太太给伊二只金镯头叫伊回嘉兴府去告状。 嘉兴府接到状纸，要南浔相公去趟。南浔相公自知理亏勿肯去。太太就对伊讲，勿去勿好，我同你做了十八年夫妻，还养了孩子，肯嫁给穷光蛋口伐。南浔公子一听蛮有道理，就连同二个儿子一同到嘉兴府。 南浔公子是当朝宰相的儿子，嘉兴府台设宴招待接风，第二日升堂，太太一五一十把事情原本讲出。最后讲，大儿子是讨饭的花烛夫妻所有的。伊为奴吃了十八年冤枉官司，还被敲断了脚，我要陪伊一生一世。南浔相公虽说骗我，十八年夫妻，还养了个小儿子，有话说“一夜夫妻百日恩”。小儿子也是我的亲骨肉，千错万错，就因为有了我才有格种事。嘉兴府台一听，觉得格件事实在难办。伊灵机一动，讲：就是因为平湖塘上呒没桥造成，罚南浔相公拿出钱来在摆渡口造顶大桥，就叫“十八离桥”。因为“里”“离”同音，后来大家把大桥叫“十八里桥”。 |
顶一下
(8)
88.9%
踩一下
(1)
11.1%
------分隔线----------------------------
谈谈您对该文章的看法